ОБУКА ЗА ШМИНКЕРИ

о периодот од 26 јануари до 4 февруари се одржа обука за шминкери за реалистично прикажување на рани и повреди во Клубот на млади.

Преку одржани 7 работилници и пробното тестирање, 15 волонтери кои учествуваа на обуката ги увидоја и извежбаа основите и техниките кои им се потребни за да работат на терен.

Обуката ја спроведе долгогодишната волонтерка и член на националното координативно тело Сара Коваческа со помош од членот на координативно тело за мотивација, Калина Стојаноска, и на истата волонтерите научија како да изработат и претстават имитација на скршеници, посекотини, убодни рани, ампутации и изгореници.

Во наредниот период ќе се работи на усовршување на вештините на овие млади и нивно евентуално сертифицирање.