февруари 13, 2023
Едукативно предавање за подигнување на свеста за ретките болести
На иницијатива на волонтерите од Програмата за грижа за стари лица “Најди време”, денес се одржа едукативно предавање од активистот за подигнување на свеста за ретките болести, Гордана Лолеска.
Присутните ги проширија нивните знаења за тоа колку случаи на ретки болести постојат во светот, колку дијагнози на ретки болести се откриени и слично.
Со кампањата за ретки болести се укажува дека оние кои што имаат ретка болест не се разликуваат по ништо од оние кои немаат и дека сите се исти и уникатни на некој свој начин. Не треба да се дискриминираат и отфрлаат од нашето општество и дека треба да се направи сѐ што е во наша можност да се почувствуваат прифатени, среќни и радосни во општеството кое ги опкружува.
Во склоп на состанокот секој од волонтерите кои присуствуваа обоија по една дланка во знак на 5% од ретките болести кои може да се третираат и лекуваат.
