Програмата за развој на младинско лидерство

Во рамките на активностите на Програмата за развој на младинско лидерство која се одвива во Црвен крст на Република Македонија Општинска организација Охрид, младите лидери беа во посета на Националната агенција за европски образовни програми и мобилност каде што се запознаа со младински програми за размена, волонтерски активности во рамките на Еразмус+ и програми за учење во странство. Исто така беше посетена и канцеларијата на Мировниот корпус во Македонија каде што младите дознаа повеќе за граѓанското учество, учествувањето во заедницата и волонтерските активности на локално ниво.