ШТАФЕТНО НУРКАЊЕ ЗА МИР

3 храбри и хумани луѓе со својот силен дух и воља, вештина и способност ги брануваа мирните езерски води нуркајки на здив на патека во должина од 25 м. поставена во Охридското езеро кај Стартото пристаниште.

Сите тие, но и бројни посетители, волонтери на Црвен крст Охрид од сите возрасти, беа дел од меѓународниот уникатен настан „ШТАФЕТНО НУРКАЊЕ ЗА МИР“ кој се реализира во рамки на овогодинешниот Фестивал на водени спортови, а по повод јубилејот 80 години Црвен крст Охрид.

Штафетното нуркање го започна 71 годишниот Јане Петков, „човекот амфибија“ од Сандански, Бугарија нуркајки 25 м. со една рака врзана за телото, а го продолжија кршните момци од специјалната единица на АРМ, Волци, спортски ентузијасти од Охрид и двајца ветерани од Бугарија.

Сплотени сите заедно, од Охрид, „Балканскиот Ерусалим“ упативме силна порака за мир, почитување и толеранција и практикување на здрави животни навики како услов за здрав разум.

Ви благодариме на сите што учествувавте и не поддржавте! Овој настан уште еднаш покажа дека преку спорт, заедништво и хуманост – можеме гласно да зборуваме за вредностите кои сите ги посакуваме.