ШТАФЕТНО НУРКАЊЕ ЗА МИР

Остануваат уште 3 дена за пријавување за учество на највозбудливиот и уникатен настан на вода за ова лето – ШТАФЕТНО НУРКАЊЕ ЗА МИР.

Доколку сте психофизички здрави и се чувствувате способни да нуркате на здив во должина од 25 м., без оглед на возраста, не ја пропуштајте можноста да бидете дел од овој, единствен настан од ваков вид во светот и се пријавите за учество на телефоните 046 261-909 и 070 315-309 или на е-маил ohrid@redcross.org.mk, или во просториите на Црвен крст Охрид на ул. „Димитар Влахов“ бр. 52 (спроти Гимназија), најдоцна до 23.08.2025 г.

Настанот ШТАФЕТНО НУРКАЊЕ ЗА МИР (пливање под вода-нуркање на здив) во должина од 25 м., кој се реализира во рамки на овогодинешното издание на Фестивалот на водени спортови Ohrid Water Festival 2025, а по повод одбележувањето на Јубилејот 80 години Црвен крст Охрид, ќе се одржи на Охридското езеро, кај „Старото пристаниште“ (пред х. Палас) на 25.08.2025 г. (понеделник) со почеток во 12 ч.

Специјален гостин на настанот ќе биде човекот „амфибија“, 71 годишниот Јане Петков од Сандански, Бугарија, кој своето учество во оваа подводна штафета за мир ќе го направи со нуркање на 25 м. со една рака врзана за телото.

Добредојдени се сите добронамерни, слободоумни и хумани наши сограѓани, гости, туристи, посетители кои сакаат да го следат настанот на Старото пристаниште во Охрид, од каде сите заедно ќе испратиме симболична, но силна порака за мир, почитување и толеранција.