ОБУКА ЗА ВРСНИЧКИ ЕДУКАТОРИ — ДЕН 2
Успешно завршен и вториот ден од обуката за врснички едукатори!
Клубот на млади при Црвен крст Охрид, во периодот од 18 до 19 и 23 октомври, ја реализира обуката за новата генерација на врснички едукатори во просториите на организацијата.
Вчерашниот ден беше исполнет со креативна енергија, активна соработка и позитивна атмосфера! Учесниците работеа на теми кои се клучни за нивниот понатамошен ангажман како едукатори:
- Зајакнување на тимските вештини и градење доверба во група;
- Справување со предизвиците при јавно говорење и развивање на самодоверба;
- Две практични вежби преку кои учесниците имаа можност да ја применат теоријата на дело и да ја покажат својата креативност.
Со многу ентузијазам, смеење и тимска поддршка, младите покажаа дека секој предизвик може да се совлада со добра комуникација, доверба и заедничка мотивација. Атмосферата беше полна со енергија, идеи и дух на заедништво!
Обуката ја водеше Борче Исакоски, долгогодишен волонтер и обучувач на врснички едукатори при Црвен крст Охрид.
Целта на оваа обука е да се создадат млади лидери кои преку знаење, личен пример и поддршка ќе влијаат позитивно во својата заедница.
