Кампањата за заштита од топлотен удар

Летото е во полн ек, а со тоа и високите температури! Како и секоја година, спасителите на вода од Центарот за безбедност на вода при Црвен крст Охрид активно ја водат кампањата за заштита од топлотен удар на сите капалишта кои ги обезбедуваат нашите тимови.

​За да уживате во безбедно и незаборавно лето, запомнете ги и практикувајте ги следниве клучни препораки:

Златни правила за безбедно лето:

​Хидрирајте се постојано! Пијте многу вода, дури и пред да почувствувате жед. Избегнувајте алкохол, газирани сокови и премногу кофеин додека сте на плажа.

​Заштитете го телото! Носете капа со широк обод, очила за сонце и лесна, светла облека од природни материјали. И секако – крема со висок заштитен фактор (SPF) е задолжителна!

​Избегнувајте го најсилното сонце! Најдете дебела сенка во периодот од 11:00 до 17:00 часот. Сончањето во овој дел од денот носи најголем ризик.

​Влегувајте во вода постепено! Наглиот влез во езерската вода по долг престој на сонце може да предизвика термички шок за организмот. Прво натопете ги екстремитетите и градите.

​Следете ги упатствата на спасителите! Секогаш почитувајте ги знаменцата на плажата и советите на нашите спасители на вода – тие се тука за ваша безбедност!

​Кои се симптите на топлотен удар?

Доколку почувствувате силна главоболка, вртоглавица, гадење, забрзано дишење или сува и црвена кожа, веднаш тргнете се на ладно и побарајте помош од нашите спасители на плажата!

​Споделете ја оваа објава со пријателите со кои планирате плажа деновиве и грижете се едни за други. Да уживаме во летото одговорно!