Хуманитарна продажна акција во поддршка на 13 годишниот херој Марко Пејчиноски

Во рамки на своите хуманитарни активности Црвен крст на Република Македонија Општинска организација Охрид во соработка со компанијата Комфи Ангел од Прилеп организираше хуманитарна продажна акција на високо квалитетните производи на оваа реномирана компанија, која се реализираше на 20.04.2019 (сабота) на плоштадот „Крушевска Република“ (Чинар). Во периодот од 9-17 ч. беа изложени познатите производи на Комфи Ангел, постелнини, перници, јоргани, душеци и др., а посетителите имаат можност истите да ги набават по симболични, промотивно-хуманитарни цени. Дел од средствата собрани од продажбата на производите ќе бидат наменети за помош во реализација на новиот спортски потфат на нашиот херој Марко Пејчиновски.