АКТИВНОСТИ ЗА ЗАШТИТА ОД ТОПЛОТЕН БРАН
По препорака на Црвен крст на Република Северна Македонија, во рамки на активностите за заштита од топлотниот бран, волонтери, парамедици и доктори од Црвен крст Охрид, изминативе денови беа присутни на фреквентните локации во Охрид, каде на граѓаните и туристите им делеа шишиња вода, информативни флаери, вршеа мерење на крвен притисок и ниво на шеќер во крвта.
Овие активности придонесуваат за зголемување на свесноста за ризиците од топлотниот бран, овозможуваат навремено откривање на евентуални здравствени проблеми кај населението и овозможуваат превентивно делување.
Препорачуваме почитување и примена на советите за заштита од топлотниот бран:
За време на најтоплиот дел од денот (од 10:00 до 17:00 часот):
Избегнувајте напорни физички активности на отворено
Постојано внесувајте течности
Избегнувајте мрсна и тешка храна
Носете светла и лесна облека, заштитни очила и капа
